Dagur 2 og markmiði náð....

Ég tók dag 2 áðan í Héraðsþreki og er eiginlega bara búin á því eftir æfinguna. Ég vil nú ekki meina að maður þurfi nú endilega að gera út af við sig til að ná árangri en það er 100% öruggt að við náum ekki árangri með því að lulla í ræktinni. Það er voðaleg leiðinlegt að segja það en það er þannig ;-) Það sama má segja með þyngdalosun. Við léttumst ekki nema við höfum fyrir því að taka mataræðið í gegn. Ef við erum ekki að léttast að þá erum við einfaldlega að borða vitlaust eða of mikið. Við erum snillingar í því að finna allskonar skýringar á því afhverju við náum ekki árangri en það eru engar aðrar skýringar en þær að við þurfum bara að gera betur!

Þannig að .... suck it up og tökum okkur á!!

Dagur 2

Upphitun

Hnébeygja 3 X 20

Framstig  3 X 20

Kobra – 8 X 20 sek

Rúlla latissimus dorsi – undir handakrika

Rúlla hamstrings og læri framan

Teygja á innri lærvöðvum.

Teygja á hálsi

Æfing – leiðrétting

Wall slide – bak í vegg – 3 X 20

Mjaðmarétta – fætur í gólfi – 3 X 20

Rotary cuff – 3 X 20 hvor hlið – 3 kg

Róa í 5 mín

Styrkur - superset

Axlarpressa – dauð – 3 X 10 – 12,5 kg

Öfugur róður á stöng – 3 X 10

Interval

Uppstig – 1 mín

Hvíld – 1 mín

Hopp á kassa – 1 mín

Hvíld – 1 mín - Allt þrisvar.

Bretti

Hraði 6 – 1 mín

Hraði 8 – 1 mín

Hraði 6 – 1 mín

Hraði 9 – 1 mín

Hraði 6 – 1 mín

Hraði 10 – 1 mín

Hraði 6 – 1 mín

Hraði 11 – 1 mín

Allt tvisvar

Ég afrekaði áðan að hoppa upp á þennan:

Það er alveg merkilegt hvað hræðslan er mikil í hausnum á okkur. Ég var sem sagt búin að vera mana mig upp í að hoppa upp í þessa hæð í Heilsueflingu en þorði aldrei. Ég ákvað svo bara áðan að hætta þessu bulli og hoppa upp á þetta. Fyrstu mínútuna hoppaði í 7 sinnum, næstu 11 sinnum og síðast 12 sinnum. Ég er því nokkuð ánægð með afrek dagsins.